Við erum stokkin í enn eina ævintýraferðina. Að þessu sinni til Namibíu og Botswana.

Nánar tiltekið hérna.

Sjáumst fljótlega!
:)
MD

:)
MD

Í sálfræðinni var ég alltaf heilluð af hlýðni og samlögunar rannsóknum (obedience/conformity) á borð við Milgram og Asch. Mér finnst heillandi hvernig hópurinn tekur stjórnina og einstaklingurinn glatar sjálfum sér.

Samlögun kemur fram á margan hátt og oft er hægt að nýta hana til að efla samvinnu í hóp. En stundum gengur hún yfir strikið, til dæmis í einelti.

Ástæðan fyrir því að þessar rannsóknir hafa verið mér hugleiknar undanfarið er lítið atvik sem við Hjálmar lentum í fyrir um 5 árum síðan. Ég var nýlega að átta mig á því hversu merkilegt það er.

Þannig var að Hjálmari vantaði flott jakkaföt. Við stefndum því á fína jakkafataverslun í bænum til að fá á hann smart og kúl jakkaföt sem hæfðu tilefninu.

Þegar þangað var komið mætti okkur þreytulegur starfsmaður sem dró fram þrenn jakkaföt í mismunandi gráum tón. Sannast sagna voru þessi jakkaföt frekar dull og karakterlaus. Við inntum starfsmanninn eftir því hvort ekki mætti fá jakkaföt með þó það væri ekki nema smákarakter.

Þá lifnaði nú heldur yfir okkar manni. Hann sannast sagna dansaði um búðina meðan hann dró fram allskonar jakkaföt. Brún og blá, teinótt og hreinlega röndótt, með litríkum saumum og með sauminn utan á. Meðan hann var að tína til flottu jakkafötin í búðinni varð honum á að viðurkenna fyrir okkur:

“Þegar ég reyni að sýna bankamönnunum þessi jakkaföt þá líta þeir á mig og segja:
Ef ég kæmi í þessu á fund þá myndi enginn taka mig alvarlega.“

Á þeim tíma þótti okkur þetta aðallega sorglegt fyrir hönd bankamanna að vinna á svona þurrum og leiðinlegum vinnustöðum. En í ljósi þess sem síðar hefur gert þá fór ég að hugsa um samlögun.

Ef að þú þorir ekki að mæta á fund í brúnum jakkafötum þar sem hefðin er að vera í gráum jakkafötum, ertu þá mikið að fara að standa fyrir gagnlegri umræðu um fundarefnið? Er mikið um skoðanaskipti og gagnrýni á slíkum fundum?

Það er að fljóta upp á yfirborðið að mörgum fannst komin ólykt af starfsemi bankanna en enginn virtist vera reiðubúinn til að benda á að keisarinn væri nakinn.

Margir skólar hafa tekið upp prógram sem kennt er við Olweus, norskan sálfræðing. Þetta prógram á að stuðla gegn því að einelti þrífist í skólum með því að virkja þá sem horfa á. Að kenna þeim að standa upp og grípa inn í þegar þeim finnst eitthvað ekki rétt.

Kannski er þetta það merkilegasta sem við getum kennt börnunum okkar í dag. Að berast ekki með straumnum. Að það að horfa á og grípa ekki inn í felur í sér sömu ábyrgð og þeirra sem hrella og skelfa.

Þá kannski komum við í veg fyrir að þetta gerist aftur.

:)
MD

Friends of mine, people of Earth – This is my chosen time to reveal myself for you.

My own purpose here is to serve you and guide you, the ones that are ready to listen and understand. There are always times where many will listen, some will understand, and a larger group are not at the right level of personal and spiritual development yet and will be guided further later on when they have reached the necessary state of being. All will however do so eventually.

I am here for those whom what I say resonate with – those with ears to listen, and a spirit to understand.

You can contact me at maggador@gmail.com

Feel free to read my posts below and in the archives and links

May your inner guide be with you, in peace
IX-777

Nokkrar hugmyndir í viðbót handa Samtökum Iðnaðarins sem nú eru í herferð gegn fúskurum.

Ég skil ósköp vel að þeir vilji kannski ekki þiggja þessar tillögur, enda er ég fúskari í auglýsingagerð. Þá væri betra að leita til fagmanna. Var það ekki það sem þeir gerðu?

:)
MD

*Uppfært* Fagmenn hafa gengist við auglýsingunni en við virðumst bara hafa misskilið hana. Þeir voru að hrósa íslenskum læknum og benda á hvað íslenskar konur hafa það gott.

Tæp vika til kosninga. Enginn tilbúinn. Ekki framboðin, ekki kjósendur. ÖSE mætt ásvæðið. Mér fannst aldrei góð hugmynd að krefjast kosninga. Það eru breytingar breytinganna vegna. Og þeir sem taka við taumunum alveg jafn clueless og þeir sem halda dauðahaldi í þá. Ekkert hafist upp úr krafsinu nema tímaeyðsla þegar nóg er af verkefnum.

En ég þarf samt að kjósa. Það er ekki valmöguleiki í mínum huga að sitja heima. Ef ég ætla að búa í þessu samfélagi þá verð ég að taka þátt.

Ég veit ekkert hvað ég ætla að kjósa. Það hef ég reyndar aldrei vitað með neinni vissu nema þegar ég kaus Íslandshreyfinguna í síðustu kosningum. En þeir eru horfnir (ég hef enga trú á að þeir hafi einhver ítök innan Samfylkingarinnar).

Svo enn stend ég frammi fyrir því að ákveða hvað ég geri í kjörklefanum.

Political compass
Þegar svona stendur á þá hef ég nokkrum sinnum leitað á náðir Political Compass til að skilja hvernig mitt áhugasvið liggur og það er mjög áhugavert að sjá hvernig skoðanir mínar hafa þróast í gegnum tíðina.

Ég er sem sagt vinstri sinnuð (og virðist verða vinstri sinnaðri með hverju árinu) og mjög fjálslynd (sem virðist líka aukast). Ég stefni óðum í að verða hippi.

Og þetta finnst mér mjög merkilegt því að ég held að ég sé hægri krati.

Political compass er náttúrulega bandarískt fyrirbæri og allir þeir sem ekki eru fylgjandi pjúra einkavæðingu í mennta- og heilbrigðiskerfinu eru taldir kommar í BNA þannig að ég veit ekki hvar evrópubúar myndu setja niður 0-ið á skalanum vinstri/hægri. Hinsvegar er ég svo langt inni á vinstra skalanum að ég verð að ég get varla hafnað því að ég sé að lágmarki miðjumoðari.

Það að ég sé frjálslyndari í ár en í fyrra er í sjálfu sér líka mjög undarlegt þar sem að ég finn á sjálfri mér að ég er hlynntari frekari takmarkönum í öllu okkar umhverfi en ég var í fyrra.

Ekki svaraði þessi æfing spurningu minni, þetta segir mér ekki hvað ég á að kjósa. Þannig að ég verð að beita öðrum aðferðum.

Útilokunaraðferðin
P og F koma ekki til greina. Foringi P er ekki til þess fallinn að auka á traust kjósenda þegar hann froðufellir í útvarpi og það er reyndar um nokkuð liðið síðan hann bauð af sér kjörþokka. Í F má finna marga helstu kverúlanta landsins en vegna þess að þeir eru í grunninn eins máls flokkur þá koma þeir ekki til greina.

B kemur heldur ekki til greina vegna þess að ég treysti því ekki að þeir hafi kastað af sér fortíðarklafanum. Það má vel vera að þar inn á milli séu ungir, kraftmiklir og heiðarlegir menn en vegna sögunnar þá verða þeir að vera enn gegnsærri og enn opinskárri en allir aðrir flokkar til að öðlast mitt traust.

Ótrúlegur hroki D síðustu vikur og skötu lík viðbrögð í haust gera það ómögulegt fyrir mig að kjósa flokkinn. Hvenær, ó hvenær, ætliði að klofna?? Marga stórkostlega hægri krata þekki ég í flokknum sem ég gjarnan vildi kjósa en þennan flokk er ekki hægt að kjósa.

Eftir standa:
V, S og O sem er skemmtilega í takt við niðurstöður Political Compass prófsins.

Völin og kvölin
Eftir sit ég með völina og kvölina. Ég vil endilega skoða þá möguleika sem við gætum átt innan ESB. En mér finnst Samfylkingin vera of mikið að daðra við meiri stóriðju.

Mér finnst freistandi að hrista upp í liðinu og setja alveg nýtt fólk inn á þing – þau eru orðin mjög nálægt 5%-unum. En um leið veit ég ekki hvort að liðsmönnum borgarahreyfingarinnar endist þol eða styrkur til að hafa áhrif.

Ég kann að meta heiðarleika og traust sem ég ber til frambjóðenda VG en ég er ósammála þeim í svo mörgum grundvallaratriðum (sbr. frjálslyndiseinkunn mína í Political Compass).

Ég hef enn 4 daga…
:)
MD

Eins og allar tæknitátur vita þá höfum við okkar þörf fyrir að vera með nýjustu og flottustu græjurnar og það í nýjustu og flottustu umbúðunum.

Þess vegna höfum við í Arctic Girl Geek Dinner ákveðið að efna til fundar og fá til liðs með okkur fólk sem veit hvað þetta er mikilvægt.

Á miðvikudaginn (1. apríl) hefur tæknitátum verið boðið í heimsókn til Reykjavik Bags sem bjóða upp á úrval af svakalega flottum tölvutöskum. Í beinu framhaldi ætlar Síminn að sýna okkur nýjustu og flottustu farsímana.

Mæting á Skólavörðustíg 2 hjá Reykjavik Bags klukkan 18:00. Síðan færum við okkur yfir á Sólon til móts við Símann og dinner og spjall

Hlakka til að sjá ykkur!
:)
MD

Ný hárgreiðslukona – ný klipping.

Ég vil meina að ég sé eins og Irina Spalko en sumir vilja meina að ég sé meira eins og Solla stirða. (Það sést að vísu illa á myndinni en ég er með bleikar strípur.) Nú legg ég þetta í dóm lesenda. Hvað finnst þér? Irina eða Solla?

;)
MD

Eftir frábæran tæknitátufund á föstudaginn (takk fyrir skemmtunina, allar saman :D ) rakst ég á miður skemmtilega grein í dag sem fjallar um nýlegar rannsóknir sem sýna að það er síst minni þörf á félagsskap eins og tæknitátum og UT konum í dag. Og þá rakst ég á þetta stórskemmtilega framtak um að vekja athygli á því mikilvæga hlutverki sem tæknitátur allsstaðar þjóna: Dagur Ödu Lovelace.

Taktu þátt! Veldu þér þína uppáhaldstæknitátu og bloggaðu um hana þann 24. mars næstkomandi og hjálpaðu til að vekja athygli á því fjölbreytta og frábæra starfi sem tæknitátur sinna um allan heim.

:)
MD

Þegar ég var í Verzló í gamla daga vann ég mér inn vasapening með því að vinna hjá Jóni Bakan. Jón Bakan var með fyrstu pizzustöðunum á Íslandi sem buðu upp á heimsendingu. Eftir að vinna þarna tók það mig marga mánuði að losna við hvítlaukslyktina af fingrunum og mörg ár að langa i pizzu aftur.

En það situr enn í mér að hjá Jóni Bakan mátti fá 16″ með tveimur áleggstegundum á þúsundkall.

Og þessa vikuna eru ekki bara einn, heldur tveir pizzastaðir að bjóða pizzu með tveimur áleggstegundum á þúsundkall.

Verðbólga hvað?

Fyrir þá sem ekki eru sleipir í hugarreikningi (eða nógu kurteisir til að þykjast ;) ) þá eru komin 18 ár síðan ég vann hjá Jóni Bakan. Á þeim tíma hefur neysluvísitalan farið úr 155 í 307. En 1000 kall dugir enn til að kaupa 16″ með tveimur áleggstegundum.

:)
MD